Ikki havt so lága undirtøku síðan heimastýrislógin kom í gildi

Í mun til løgtingsvalið 31. august 2019, fer Javnaðarflokkurin úr sjey upp í tíggju tingfólk, meðan Sambandsflokkurin fer úr sjey niður í fimm tingfólk, meðan Sjálvstýri missir sítt umboð. Hinir flokkar standa í kanningini til at varðveita teir tingsessir, teir hava í dag.

Tað er bara Javnaðarflokkurin av teimum stóru, sum gongur fram. Hinir – Fólkaflokkurin, Sambandsflokkurin og Tjóðveldi – hava eina afturgongd eins og Sjálvstýri, sum enn ikki er náddur um tinggáttina í nakrari veljarakanning síðan løgtingsvalið 31. august 2019.

Sambandsflokkurin hevur ikki havt so lága undirtøku síðan heimastýrislógina. Ringasta valúrslitið hjá Sambandsflokkinum í nýggjari tíð, var í 1998, tá flokkurin fekk 18,0 prosent av atkvøðunum.

Meira kann síggjast í Blaðnum Vikuskifti ókeypis her