Ikki koyrandi á fleiri strekkjum - jarðrok og hálka ávirka

 - Tað eru vánalig koyrilíkindir á Oyndarfjarðarvegnum. Tað er nógv jarðrok í ælunum á Vestmannavegnum, í Vágunum, Sandoynni og um Gøtueiðið-Kambsdal. Tað er ikki koyrandi á Gjáarvegnum, Oyggjarvegnum og til Skæling.

Soleiðis ljóðar ávaringin ovast á heimasíðuni hjá Landsverk nú beint eftir klokkan átta. 

Hetta hevur staðið eina løtu, og koyrilíkindini í morgun eru ikki serliga góð. Í summum støðum eru tey heilt ring.

Serliga jarðrok ávirkar á nevndu strekkjunum ovast men eisini hálka, sum eisini er meira gjøgnumgangandi fyri landi.

Landsverk hevur nógv fólk og allar maskinur úti í morgun, staðfestir Árni Jacobsen økisleiðari hjá Landsverki fyri Kringvarpinum.

Sí koyrilíkindini hjá Landsverki HER 

Sí veðrið her