Uttanlands

Illgruni um fremmandahatur

Skottilburðirnir í Hanau verða nú kannaðir sum yvirgangur

(Mynd: EPA)

(Mynd: EPA)

2020-02-20 09:51 Author image
Ingi Samuelsen
placeholder

Illgruni er um, at tað var fremmandahatur, sum var orsøkin til, at ein maður í gjárkvøldið skjeyt og drap níggju fólk í týska býnum Hanau.

Tað hevur innanríkisráðharrin í Hessen landslutinum, Peter Beuth, váttað.

Hann segði samstundis, at talan var um eitt ”álop á eitt friðarligt samfelag”.

Ákærumyndugleikin hjá samveldismyndugleikanum hevur nú tikið yvir kanningina av álopinum, tí illgruni er um, at talan var um yvirgang.

Nýggju fólk vórðu skotin til deyðis í álopunum á tvær vatnpípukaféir í Hanau í gjárkvøldið.

Maðurin, sum framdi illgerðina, varð seinni funnin deyður í egnu íbúð síni, har ein annar persónur – helst mamma gerningsmannin – eisini lá deyður.  

Les eisini: Níggju fólk dripin av byrsumanni í Týsklandi

 

placeholder
placeholder