Illveður í amerikansku suðurstatunum kravt 11 mannalív

Ógvusligur stormur og melduródnir hava kravt tilsamans 11 mannalív í amerikansku suðurstatunum seinastu dagarnar.

Nógv heim eru oyðiløgd, og fleiri hundrað túsund fólk eru uttan streym í løtuni, skrivar Ritzau.

Eitt nú lat eitt par lív í Louisiana, tá ein melduródn oyðilegði húsvogn teirra leygardagin. Ódnin var so ógvuslig, at húsvognurin varð blástur upp móti 70 metrar burtur.

Í Alabama doyði ein 75 ára gamal maður, tá eitt træ koppaði niður yvir húsið hjá honum, og í Mississippi varð boðað frá, at illveðrið hevði koppað 30 togvognum.

Statirnir Alabama og North carolina vórðu harðast raktir av illveðrinum.