Innandalsvegurin verður breiðkaður

Innandalsvegur, sum er vegurin frá Fløtugerði oman fyri fótbóltsvøllin í Fuglafirði og niðan móti býlinginum vestur í Horn allar ovast í Fuglafirði, verður nú breiðkaður.

Heimasíðan hjá Fuglafjarðar kommunu skrivar, at kommunan hevur gjørt avtalu við HV Grevstur við heimstaði á Strondum um at gera arbeiðið við at breiðka vegin.

Arbeiðið er farið í gongd, og verður væntandi liðugt fyrst í komandi ári, skrivar kommunan á heimasíðuni.