Innbrot í Havn í nátt

Løgreglan hevur í nátt handtikið ein persón í sambandi við eitt innbrot í einum handli í Havn.

Tað var nakað eftir klokkan eitt, at tey á Ansni boðaðu frá, at tey hildu seg síggja onkran inni í handlinum. Løgreglan fór á staðið, elti slóðina og kom fram á ein persón ein góðan hálvan tíma seinni. Viðkomandi varð handtikin beint áðrenn klokkan tvey, sigur vaktleiðarin á løgreglustøðini í Havn.

Løgreglan fer at gera fleiri kanningar í dag. Vakmyndatól er í handlinum, og løgreglan fer at hyggja eftir upptøkum.

Okkurt varð stolið úr handlinum, men tað varð funnið aftur.