Innbrotið í OY uppklárað

Løgreglan fekk í gjár fatur á ein mann, sum er skuldsettur fyri innbrotið í bryggjaríið OY á Hálsi í Havn týsnáttina.

Málið er ikki liðugt kannað enn. Maðurin hevur ikki játtað seg sekan, men hevur heldur ikki noktað, upplýsir vaktleiðarin á politistøðini. Løgreglan skal gera nakrar kanningar og samrøður afturat áðrenn málið verður latið ákæruvaldinum.

Vaktleiðarin hevur enn ikki møguleika at upplýsa nærri hvat varð stolið undir innbrotinum.