Innfluttu fyri 8,4 milliardir fyrstu 11 mánaðirnar av 2021

Fyrstu 11 mánaðirnar í fjør varð innflutt fyri 8,4 milliardir krónur, tað upplýsir Hagstovan, nú innflutningurin til og við november 2021 er gjørdur upp.

Hetta er ein vøkstur á 12,3 prosent í mun til sama tíðarskeið í 2020, og um skip og flogfør ikki verða tikin við, er vøksturin 14 prosent.

Oljuprísurin er hækkaður nógv seinastu tíðina, og hetta sæst eisini aftur í innflutninginum. Hóast umleið sama nøgd er innflutt, hava vit brúkt 43 prosent meiri upp á brennievni fyrstu 11 mánaðirnar av 2021 samanborið við 2020, skrivar Hagstovan.

Meira kann lesast her.