Irish Pub á Skálatrøð tilnevnt til fimm heiðurslønir í Dublin

Irish Pub skal í komandi viku luttaka á The 2019 Irish Hospitality Global Awards í Dublin. Tað er níggjunda árið á tað, at Irish Pub Global skipar fyri tiltakinum, sum verður týsdagin 8. oktober í The Mason House í Dublin.  

Í felagskapinum eru fleiri enn 2800 írskar pubbur kring heimin, millum annað Irish Pub á Skálatrøð, ið lýsir endamálið hjá felagskapinum at vera at hjúkla um serstaka írska umhvørvi og gestablídni, sum vit kenna tað frá írsku pubbunum.

Partur av tiltakinum er at heiðra útnevndum pubbum fyri ymiskt; so sum mat, drekka, tónleik. Landafrøðiliga eru pubbirnir skildir sundur í pubbir í Írlandi; Evropa, Amerika, Afrika, Asia, Afrika, Miðeystur og londini í Stillahavinum.

Í evropeiska bólkinum er Irish Pub í Havn við í útnevningunum fyri besta kokk, besta tónleik, pub quiz, fótbólt, og undirhald sum heild (heildaruppliving)