Írland skal hava nýggjan stjórnarleiðara

- Politikarar eru hóast alt bert menniskju. Vit hava okkara avmarkingar.

Soleiðis segði írski forsætisráðharrin, Leo Varadkar, tá hann í gjár óvæntað boðaði frá, at hann gevst í politikki.

Varadkar sigur bæði forsætisráðharrasessin og formanssessin í flokkinum Fine Gael frá sær. Orsøkirnar eru persónligar, sigur hann.

Varadkar var yngsti forsætisráðharri í Írlandi, tá hann tók við sessinum í 2017 sum 45 ára gamal. Hann var eisini fyrsti samkyndi forsætisráðharrin í Írlandi.

Avgerðin førir ikki beinleiðis til nýval. Enn er ógreitt hvør verður nýggjur stjórnarleiðari. Val skal haldast í Írlandi seinast í mars 2025.