Ísrael bumbað mosku á Vestara áarbakka

Ísraelski herurin boðar frá, at hann hevur bumbað Al-Ansar moskuna í Jenin á Vestara áarbakka.

Grundgevingin var, at yvirgangsfólk úr Islamisk Jihad og Hamas, sum hava framt fleiri yvirgangsatsóknir seinastu mánaðirnar, vóru í moskuni. Eisini segði herurin seg hava upplýsingar um, at hesi skjótt fóru at fremja nýggja atsókn.

Bólkurin, sum Ísrael fór eftir, helt til undir moskuni, skrivar Reuters.

Sambært palestinska Reyða Hálvmána, lat í minsta lagi ein palestini lív í álopinum, meðan trý onnur vórðu særd.