Ísrael letur landamørkini aftur

Ísrael fer nú at lata landamørkini aftur fyri øllum útlendingum.

Orsøkin er nýggja Omikron-frábrigdið, sum varð funnið í Suðurafrika herfyri, og sum longu er komið til fleiri lond, m.a. Ísrael.

Ísraelski forsætisráðharrin, Naftali Bennett sigur, at forboðið skal vera galdandi í 14 dagar. Tað fer væntandi í gildi á midnátt.

Higartil er bert ein tilburður av Omikron-frábrigdinum staðfestur í Ísrael. Illgruni er tó um, at sjey onnur eisini eru smittað við nýggja frábrigdinum, skrivar Ritzau.