Uttanlands

Issehoved snarar um fyri hesa ferð

Issehoved hevur røkt siglingarleiðina millum Århus og Samsø

Savnsmynd: Sverri Egholm

Savnsmynd: Sverri Egholm

2018-07-27 15:59 Author image
Ari av Rana
placeholder

Issehoved, sum varð leigaður til Føroyar fyri stuttum og fyrst og fremst røkti siglingarleiðina millum Havnina og Nólsoy, hevur seinastu tíðina rikið siglingarleiðina millum Århus og Samsø í Danmark. Men so verður ikki longur, tí at fergan fekk motortrupulleikar sunnudagin, og kann ikki sigla longur.

Eigarin, Hans Froholdt, skrivaði á Facebook í gjárkvøldið, at fergan ikki verður klár aftur til sigling fyrrenn í byrjanini av september. Men hon fer heldur ikki í sigling millum Århus og Samsø tá.

- Tíverri halda vit ikki, at vit kunnu finna fígging til at hava skipið siglandi sum eitt privat virksemi á Samsø-rutuni í teimum køldu mánaðunum, og tí mugu vit boða frá, at rutan verður lukkað, skrivar Hans Froholdt á Facebook.

Les eisini: Ein stimitúrur við Issehoved

placeholder
placeholder