Jacqes Chirac deyður

Jacques Chirac, fyrrverandi forsetin í Fraklandi, doyði í morgun, boðar AFP-tíðindastovan frá.

Versonur fyrrverandi forsetans sigur fyri AFP, at hann doyði stillisliga í morgun, umgyrdur av sínum nærmastu.

Jacques Chirac var forseti í Fraklandi í tvey forsetavalskeið frá 1995 til 2007. Hann verður millum annað mintur fyri at vera tann, ið stytti forsetaskeiðini í Fraklandi úr sjey árum niður í fimm ár.

Hann var tann forsetin í Fraklandi síðan verðaldarbardagan, sum hevur sitið næstlongst í embætinum. Longst sitandi er undangongumaður hansara, sosialisturin François Mitterrand.

Chirac var sonur ein bankastjóra, og gjørdist sjálvur stóri í einum flogfelag áðrenn hann fór upp í politikk.

Sum ungur var hann kommunistur, men hann var seinni gitin sum gaullistur og svorðin ES-mótstøðumaður. Seinni gjørdist hann ES-viðhaldsmaður og stóð fyri at orða eina grundlóg fyri ES, sum tó varð vrakað av fronsku veljarunum.