Japanski sendiharrin í Keypmannahavn við til at seta filmsfestival í Kongshøll

Leygardagin og sunnudagin, 20. og 21. august,  verður spennandi og afturvendandi mentanartiltak á skránni, tá japanska sendistovan í Keypmannahavn bjóðar føroyingum at koma í Kongshøll á Vestaru bryggju í Havn at síggja japanskan film. Og ein føroyskan.

Talan er um ókeypis filmsfestival, ið byrjar klokkan 13 leygardagin, tá Chik Collins, rektari á Fróðskaparsetrinum, og Manabu Miyagawa, japanskur sendiharri í Keypmannahavn, fara at seta stevnuna.

Manabu Miyagawa hevur millum annað starvast ES og í London, Moskva og New York - í altjóða diplomatatisku skipanini.

Umframt filmarnar verða eisini japanskt saké og munnbitar at fáa bæði kvøldini eftir sýningarnar klokkan 19. 

Skráin fyri tiltakið sæst her

Til ber at lesa og síggja meira um filmarnar á setur.fo



Fróðskaparsetur Føroya