Japanskur filmsfestivalur í Perluni 

Vikuskiftið 29. februar og 1. mars verður japanskur filmsfestivalur í Perluni í Tórsgøtu í Havn.

Tað er japanska sendistovan í Keypmannahavn, ið skipar fyri og er hetta sættu ferð, at tey koma til Føroya at vísa okkum nakað av tí besta, sum japanski filmspallurin hevur at bjóða.

Á japansku sendistovuni vóna tey, at filmsfestivalurin er við at skapa forvitni og áhuga fyri Japan og japanskari mentan millum føroyingar.

Á skránni eru tríggir filmar hvønn dagin, og eru filmar til allar aldursbólkar og í øllum greinum – bæði teknifilmur, skemtifilmur og okkurt av tí meira álvarsama er á skránni. 

Bæði kvøldini verður høvið at heilsa upp á japanska sendimannin, Manabu Miyagawa.

Skráin fyri filmsfestivalin sæst á heimasíðuni Tórsgøta