Alda Nielsdóttir
Í gjár, 14. mai, vóru 50 ár síðan, Javni, felagið hjá fólki við menningartarni og familjur teirra, varð sett á stovn.
Í hesum sambandi verður skipað fyri hátíðarhaldi í Havn seinnapartin.
Byrjað verður klokkan 14 við einari skrúðgongu frá skrivstovuni hjá Javna á Hoydalsvegi 42, og gingið verður oman á Vaglið, har Spyr Meg og løgmaður fara at bera fram røður.
Eisini bjóðar Javni kaffi og køku, meðan orkestrið Ælabogin spælir nøkur løg. Tiltakið endar við, at Danny og Ingi, Magni Christiansen og Hallur Joensen fara á pallin at spæla nøkur løg.
Skráin fyri seinnapartin
14.00: Skrúðgonga frá Javna skrivstovuni oman á Vaglið. Ballónir og klapparar verða deildir út frá skrivstovuni, hornorkestur og íspeglar eru við í gonguni.
15.00: Javni, Spyr Meg og løgmaður bera fram røðu
15.30: Vit bjóða kaffi, kaku og annað gott. Ælabogin spælir.
16.00: Tónleikur - Danny og Ingi, Magni Christiansen og Hallur Joensen
17.00: Liðugt
Vinarliga broyt tínar kennifíla - og privatlívsstillingar fyri at síggja hetta innihald