J.D. Vance er vorðin pápi enn einaferð

Amerikanski varaforsetin, J.D. Vance, er vorðin pápi fyri fjórðu ferð. Tað skrivar hann í eini fráboðan á sosiala miðlinum, X.

Tað er ein drongur, ið skal eita Alec Neel Vance, skrivar varaforsetin, sum er giftur Usha Vance.

- Usha og barnið hava tað gott, og børn okkara eru ovurfegin fyri at hava fingið ein lítlabeiggja, skrivar 41 ára gamli Vance á X.

Sambært NBC News er Usha Vance fyrsta kvinna síðan 1870’ini, sum føðir barn, meðan maður hennara er varaforseti.

Vance-hjúnini hava trý børn frammanundan – tveir dreingir og eina gentu  ið eru níggju, seks og fýra ára gomul.