Mánadagin 17. mai fer Jenis av Rana, landsstýrismaður í uttanríkismálum, á fund við amerikanska starvsbróður sín, Antony Blinken.
Á fundinum, sum verður í Keypmannahavn, verða eisini danski uttanríkismálaráðharrin, Jeppe Kofod, og grønlendski uttanríkismálaráðharrin, Pelle Broberg.
Umframt mál av áhuga fyri ávikavist Danmark og Grønland, skulu millum annað samstarvið millum Føroyar og USA, og støðan í Norðurhøvum og Arktis umrøðast, skrivar Uttanríkis- og mentamálaráðið.
Jenis av Rana hitti undanfarna amerikanska uttanríkismálaráðharran Mike Pompeo í Keypmannahavn í juli í fjør, og í november skrivaðu Føroyar og USA undir partalagsyvirlýsing um økt sínámillum samstarv.
Her hittast Jenis av Rana og Mike Pompeo í Keypmannahavn (Mynd: EPA)
Vinarliga broyt tínar kennifíla - og privatlívsstillingar fyri at síggja hetta innihald