Norðurlandaráðið skipaði í gjár og í dag fyri tiltakið í Malmö, ið fyrst og fremst var eitt orðaskifti um støðuna í Ukraina.
Jenis av Rana, landsstýrismaður í uttanríkismálum, var ein av teimum, sum hevði røðu, har hann legði dent á, hvussu týdningarmikið tað er, at Norðurlond – og restin av Evropa – standa saman, nú kríggj aftur er í Evropa.
- Tryggleiki og fólkaræði eru ikki komin av sær sjálvum, og tí mugu vit styrkja sínámillum samstarvið millum Norðurlond
Hetta skrivar Uttanríks- og Mentamálaráðið á heimasíðu sínari, har tað eisini verður skrivað, at Jenis av Rana hitta ukrainska sendiharran, Mykhailo Vydoinyk, í sunnara parti av Svøríki í dag.
- Teir umrøddu kríggið í Ukraina og álvarsomu avleiðingarnar fyri trygdina í Evropa. Sendiharrin vísti á, at Ukraina hevur stóran tørv á hjálp og stuðli til tess at standa ímóti russisku innrásini.
Vinarliga broyt tínar kennifíla - og privatlívsstillingar fyri at síggja hetta innihald