Jenis ráðførir seg við Uttanlandsnevndina í dag

Seinnapartin í dag fer Jenis av Rana, landsstýrismaður í uttanríkismálum at ráðføra seg við Uttanlandsnevndina í løgtinginum um støðuna í Ukraina.

Ráðførslan verður sambært § 54 í Stýrisskipanini, ið sigur, at landsstýrið skal ráðføra seg við Uttanlandsnevndina, áðrenn avgerðir verða tiknar, ið hava stóran uttanlandspolitiskan týdning.

Hetta verður klokkan 15, og Báður á Steig Nielsen, løgmaður, verður eisini við á fundinum.

Dagførd kl. 11.42