Jens Marni hitar upp fyri James Blunt

Jens Marni Hansen telist millum okkara dugnaligastu og fólkakærastu tónleikarar. Hann hevur seinastu 25 árini verið virkin partur av føroyska tónleikalívinum, og hevur skrivað og sungið eitt ótal av landaplágum.

Hann hevur áður hita upp fyri navnframar tónleikarar, millum annað fyri Bon Jovi í Parkini í Keypmannahavn. Tí var tað upplagt at heita á Jens Marna um at hita upp fyri James Blunt í Høllini á Hálsi 1. juni. Sostatt verður kvøldið á tremur við tónleiki í serflokki. 

Helmingurin av atgongumerkjunum eru longu seld. 

Konsertin varð almannakunngjørd mánamorgunin, og longu eru meira enn helvtin av atgongumerkjunum seld, Hetta vitnar um, at føroyingar eru spentir at fara á konsert hjá einari sannari heimsstjørnu. Tað er ikki á hvørjum degi at slíkar stjørnur vitja Føroyar, og hesum taka føroyingar, eftir øllum at døma, væl ímóti. 

Les eisini: James Blunt: Meira enn helvtin av atgongumerkjunum longu rivin burtur