Ingi Samuelsen
Nato-aðalskrivarin, Jens Stoltenberg, takkar Turkalandi, nú eitt farmaskip við ukrainskari avgrøði í morgun kundi loysa frá landi í havnarbýnum Odesa.
- Eg fegnis yvir, at fyrsta lastin av ukreinskari avgrøði nú er send úr Odesa. Eg takki okkara sameinda Turkalandi fyri tann týðandi leiklut, sum landi hevur havt í hesi tilgongdini, skrivar Stoltenberg á Twitter.
Hetta var fyrsta farmalastin við landbúnaðarvørum, sum er avskipað úr Ukreina síðan kríggið byrjaði í februar.
Í fyrstu atløgu setir farmaskipið kós móti Bosporussundinum. Tá skipið er kannað har, verður kósin sett móti Tripoli í Libanon.
- Nato stuðlar av fullum hjárta hesi avtalini, sum kann hjálpa upp á heimsumfatandi matvørukreppuna, sum er uppstaðin orsaka av russiska krígnum í Ukraina, skrivar Stoltenberg í Twitter-uppslagnum.
Les eisini: Fyrsta farmaskipið farið úr Odesa
I welcome the 1st shipment of Ukrainian grain from Odesa under the @UN-brokered deal. I thank our Ally #Türkiye for its pivotal role. #NATO Allies strongly support the full implementation of the deal to ease the global food crisis caused by Russia’s war in Ukraine.
— Jens Stoltenberg (@jensstoltenberg) August 1, 2022
Vinarliga broyt tínar kennifíla - og privatlívsstillingar fyri at síggja hetta innihald