Jógvan Kruse fingið lykilin

Mikudagin handaði Heðin Zachariasen, fráfarandi borgarstjóri í Sunda kommunu, nývalda borgarstjóranum, Jógvani Kruse, lykilin til kommunuskrivsstovuna.

Tað skrivar kommunan á heimasíðuni.

Heðin, sum í dag er 61 ára gamal, hevur sitið 24 ár í kommunalpolitikki. Harav 20 ár sum borgarstjóri.

Nývaldi borgarstjórin, Jógvan Kruse, er 41 ára gamal, og býr á Oyrarbakka. Jógvan stillaði fyrstu ferð upp á valinum 10. november 2020 og fekk hann flest atkvøður.