Jógvan Ósá nýggjur stjóri í Bústøðum

Stýrið fyri Bústaðir hevur sett Jógvan Ósá í starv sum stjóri á Bústøðum.

Jógvan Ósá er 38 ára gamal, útbúgvin Cand Tech., byggifrøðingur og húsasmiður.  

Jógvan Ósá starvast í løtuni sum tekniskur stjóri hjá Klaksvíkar kommunu og áðrenn tað, var hann tekniskur stjóri hjá Eysturkommunu.

Hann byrjar í starvinum hjá Bústøðum seinast 1. oktober.