Jógvan Skorheim havt størstu persónligu undirtøkuna

Valurslit.fo: Einki valevnið hevur fingið størri persónliga undirtøku á kommunuvalum í Klaksvík enn Jógvan Skorheim.

Tað vísa hagtølini hjá Valurslit.fo, sum ganga aftur til 1970 fyri Klaksvíkar kommunu.

Besta valið hevði Jógvan Skorheim í 2016, tá hann fekk 729 persónligar atkvøður. Tá var hann sum borgarstjóri á listanum hjá Sjálvstýri.

Á kommunuvalinum í november í ár verður hann á listanum hjá Fólkaflokkinum.

Ein annar fólkafloksmaður og fyrrverandi borgarstjóri, Jógvan við Keldu, er fýra ferðir á topp 10 listanum. Hansara besta persónliga val var í 1996, tá ið hann fekk 335 persónligar atkvøður, svarandi til 12,8 prosent av atkvøðunum.

Bara ein kvinna er millum bestu 10. Tað er Gunvá við Keldu.

1. Jógvan Skorheim, 729 atkvøður (22,1%) í 2016

2. Steinbjørn O. Jacobsen, 391 atkvøður (12,8%) í 2004

3. Jógvan við Keldu, 335 atkvøður (12,8%) í 1996

4. Jógvan við Keldu, 345 atkvøður (12,4%) í 1992

5. Jógvan við Keldu, 330 atkvøður (11,8%) í 1984

6. Jógvan Skorheim, 401 atkvøður (11,5%) í 2020

7.  Jógvan við Keldu, 315 atkvøður (10,8%) í 2000

8. Asbjørn Joensen, 180 atkvøður (10,7%) í 1970

9. Gunvá við Keldu, 302 atkvøður (10,1%) í 2012

10. Kári Kjelnes 181 atkvøður (9,4%) í 1970