Innanlands

John Rajani verður sendifólk í Tel Aviv

Føroyska sendistovan í Ísrael letur upp skjótt, og í dag er 51-ára gamli John Rajani settur í starvið, sum hann byrjar í 1. desember

John Rajani - t.h - hevur virkað í ráðgevaravinnuni tey seinastu árini. Nú skal hann undir eitt heilt nýtt starv (Savnsmynd: Jens Kr. Vang)

John Rajani - t.h - hevur virkað í ráðgevaravinnuni tey seinastu árini. Nú skal hann undir eitt heilt nýtt starv (Savnsmynd: Jens Kr. Vang)

2020-10-27 12:27 Author image
Agnar Prestá
placeholder

Hann hevur áður verið sendimaður í Londin - frá 2002 til 2005 - og var við til at byggja føroysku sendistovuna har upp. Nú skal hann starvast sum fyrsta føroyska sendifólki í Ísrael.

Uttanríkis- og mentamálaráðið boðar í dag frá, at John Rajani er settur í starvið sum sendifólk á Sendistovu Føroya í Tel Aviv í Ísrael frá 1. desember 2020 at rokna.

John Rajani er 51 ára gamal og útbúgvin innan búskap og leiðslu frá Danmark og Stórabretlandi. Hann er giftur og eigur trý børn, og hevur virkað í ráðgevaravinnuni tey seinastu árini. Hann hevur drúgvar royndir bæði í í miðfyrisitingini og í privatu vinnuni. Í fíggjarvinnuni hevur hann tíggju ára royndir á leiðslu- og stjórnarstøði úr BankNordik.

placeholder
placeholder