Jólatræið í Vágstúni verður tendrað 30. november

Fyrsta jólatræið í Klaksvíkar kommunu verður tendrað leygardagin 30. november.

Sambært heimasíðuni hjá kommununi, verða bæði jólatræið í Vágstúni og jólatræið í Árnafirði tendrað tann dagin.

Træið í Vágstúni verður tendrað klokkan 15.30, og í hesum sambandi fer borgarstjórin, Jógvan Skorheim, at halda røðu, og Klaksvíkar Hornorkestur kemur at spæla.

Træið í Árnafirði verður tendrað klokkan 17, og á skránni verður røða við Olivar Askham umframt tónleikur frá Klaksvíkar Hornorkestri.

Hini jólatrøini í kommununi verða tendrað vikuna eftir.

Jólatræið í Norðoyri verður tendrað mánakvøldið 2. desember klokkan 19. Hanus í Gørðum, prestur, heldur røðu, og Klaksvíkar hornorkestur spælir.

Jólatræið í Ánunum verður tendrað mikukvøldið 4. desember klokkan 17. Á skránni verður røða við Rúnu Sivertsen, og tónleikur við Klaksvíkar Hornorkestri.

Jólatrøini á Trøllanesi, í Mikladali, á Húsum, og á Syðradal verða øll tendrað hóskvøldið 5. desember.

Jólatræið í Svínoy verður tendrað leygardagin 7. desember klokkan 16.

Meira kunning fæst her.