Jørgen Niclasen fer frá sum formaður

Jørgen Niclasen leggur frá sær sum formaður í Fólkaflokkinum. Tað veit útvarpið frá keldum í flokkinum í dag.

Tað var fyri góðari viku síðani, at tað kom fram, at Jørgen Niclasen var tikin av løgregluni fyri rúsdrekkakoyring. Sama dag legði hann frá sær sum landsstýrismaður í fíggjarmálum, og fór aftur í tingið.

Jørgen Niclasen hevur verið formaður í Fólkaflokkinum síðani 2007, men nú er nógv sum bendir á, at tíðarskeiðið er av.

Eingin almenn fráboðan er komin frá Fólkaflokkinum enn.