Jørgen Niclasen leggur frá sær sum landsstýrismaður

Jørgen Niclasen leggur frá sær sum landsstýrismaður í fíggjarmálum. Tað skriva bæði vp.fo og dimma.fo seinnapartin.

Við vp.fo sigur Jørgen Niclasen, sum eisini er formaður í Fólkaflokkinum, at hann fyri nøkrum døgum síðani varð tikin av løgregluni við alkoholi í blóðinum.

- Eg hevði drukkið um kvøldið og morgunin eftir fór eg óumhugsað í bilin og koyrdi at keypa morgunbreyð, sigur hann.

Hann hevur heitt á løgmann um at loysa seg úr starvinum sum landsstýrismaður.

Sambært in.fo var Jørgen Niclasen tikin í bili sínum í Vági hósdagin klokkan 11:26. Promillan í alkoholmetrinum vísti 1,26, sum er væl oman fyri loyvda markið upp á 0,2.