Kalifornia: Fýra fólk særd í spreinging á matstovu

Í amerikanska statinum Kalifornia vórðu fýra fólk særd í einari elektriskari spreinging á einari matstovu.

Tað skrivar tíðindastovan Ritzau.

Talan er, sambært amerikonskum myndugleikum um tvey sløkkiliðsfólk og tvey sivilfólk, sum hava fingið skaða. Eingin teirra er tó í lívsvanda.

Amerikanskir miðlar skriva, at talan var um eina elektriska spreinging undir jørðini, men orsøkin verður enn kannað.

Hendingin fór fram á Old World German restaurant í Huntington Beach í gjárkvøldið lokala tíð. Á matstovuni var eitt oktoberfest-tiltak.