Kallaði Dag og viku-vert "kynsvilling": Nú er Beinir ákærdur

Ákæruvaldið hevur reist ákæru móti Beini Joensen, tí hann 1. desember í 2022 á Facebook kallaði John Johannesen, journalist og vert í Kringvarpi Føroya, fyri kynsvilling og segði at "kynsvilla er ein sálarsjúka".

Hann verður ákærdur fyri brot á grein 266b í sambandi við kynsliga orientering, skrivar Frihedsbrevet.fo.

Orsøkin er, at Beinir Joensen tann 1. desember 2022 í sambandi við eitt Dag og viku innslag um HIV, viðmerkti á Facebook. Seinni sama kvøld legði Beinir Joensen eina aðra mynd av sær á Facebook, sum var tikin í Runavík í sambandi við rekkjukoyring á Pride hjá LGBT í 2021. Tá stendur Beinir Joensen á gøtuni við einum skelti við tekstinum "kynsvilla er sálarsjúka".

“Er tað í lagi, at hesin kynsvillingurin ger innslag um HIV? HIV kemur upprunaliga av kynsvillu og hevur síðani smittað onnur. Í løtuni eru apukoppar aktuellir og smitta eisini við livihátti, sum hesin sjónvarpsverturin hevur og prædikar fyri. KvF stinkar!, skrivaði Beinir Joensen 1. desember.

(Mynd: Beinir Joensen / Facebook)

Tað er løgreglan, sum hevur tikið málið upp, og nú hevur ákæruvaldið altso reist ákæru móti runavíkinginum, skrivar Frihedsbrevet.fo.