Alda Nielsdóttir
Forfólkini hjá demokratunum í øllum 50 amerikansku statunum stuðla Kamalu Harris, varaforseta sum forsetavalevni hjá flokkinum.
Tað upplýsa keldur fyri tíðindastovuni Reuters.
Onnur møgulig forsetavalevni, sum eru nevnd, eru Gavin Newsom, guvernørur í Kalifornia, Josh Shapiro, guvernørur í Pennsylvania, og Gretchen Whitmer, guvernørur í Michigan, men bæði Newsom og Shapiro hava alment boðað frá, at teir stuðla Harris.
Amerikanska forsetavalið verður 5. november.
Demokratar hava fram til landsfundin í Chicago 19. til 22. august at finna eitt nýtt forseta- og varaforsetavalevni. Men eitt valevni kann verða funnið longu fyrst í august.
Sambært NBC News hevði flokkurin ætlanir um at hava eina talgilda atkvøðugreiðslu um at góðkenna Biden sum valevni longu fyrst í august, og tað er ógreitt, um tann atkvøðugreiðslan er avlýst.
Sitandi forsetin, Joe Biden peikar eisini á varaforsetan.
– Mín fyrsta avgerð sum forsetavalevni í 2020 var at velja Kamalu Harris sum mín varaforseta. Tað hevur verið besta avgerðin, eg havi tikið. Í dag vil eg geva Kamalu mín fulla stuðul sum valevni hjá okkara flokki í ár, segði Biden á sosialu miðlunum í gjárkvøldið.
Les eisini: Kamala Harris játtar at stilla upp
Vinarliga broyt tínar kennifíla - og privatlívsstillingar fyri at síggja hetta innihald