Kanna harðskapsmál frá Tórsfest

Í sambandi við Tórsfest hevur løgreglan skrásett eitt mál um harðskap í gjár.

Talan er um ein persón, sum er blivin álopin - møguliga av fleiri persónum, og viðkomandi hevur brotið kjálkabeinið, sigur vaktleiðarin á løgreglustøðini í Havn.

Eingin er handtikin í málinum, men ein brotsmaður er í øllum førum eyðmerktur.

Løgreglan hevur avhoyrt nøkur vitni, og fleiri avhoyringar skulu gerast. Tað verður eftir ætlan gjørt eftir ólavsøku.