Kanna harðskapsmál í høvuðsstaðnum

Løgreglan kannar í dag eitt harðskapsmál, sum er hent í Havn í nátt.

Á politistøðini hava tey ikki so nógv at siga um málið í morgun, tí kanningar verða gjørdar í dag, og fólk verða avhoyrd.

- Ein persónur er útsettur fyri harðskapi, og tá vit koma á staðið verður ein politistur eisini útsettur fyri harðskapi, greiðir vakthavandi á løgreglustøðini frá.

Tá eitt løgreglufólk verður álopið er talan um grein 119, sum gevur serliga harðan straff.