2022-04-25 12:50
Leygardag seinnapart fekk løgreglan eina fráboðan um, at onkur hevði framt herverk á ein bil í vesturbýnum í Havn.
Talan var um onkrar rútar, sum vóru knústir á einum bili hjá Glasi, sum stóð parkeraður millum Glasir og Skúlan á Fløtum.
Málið varð meldað leygardagin, men tað er helst hent leygarnáttina, sigur løgreglan.
Løgreglan kannar málið í løtuni, og hava tey eisini spor at ganga eftir, men tey vilja fegin hoyra frá fólki, sum halda seg hava sæð okkurt í sambandi við málið, sigur vaktleiðarin á politistøðini.
Vinarliga broyt tínar kennifíla - og privatlívsstillingar fyri at síggja hetta innihald