Kanna hví eldur kom í goymslubygning í Vági

Seint seinnapartin í gjár, nakað eftir klokkan fimm, varð boðað frá eldi í einum goysmlubygningi hjá Vágs Skipasmiðju.

Løgregla og sløkkilið varð sent á staðið, og ein góðan tíma seinni varð boðað frá, at eldurin var sløktur.

Vaktleiðarin á løgreglustøðini í Havn sigur, at bygningurin hevði fingið rættiliga stóran skaða, og ymiskt tilfar, sum var inni í bygninginum, var farið upp í royk. Tað eydnaðist tó at fáa onkur akfør úr bygninginum.

Løgreglan veit ikki, hvør orsøkin var til eldin, men tað verður kannað nærri komandi dagarnar.