Alda Nielsdóttir
Ein meiriluti av amerikanarum vilja hava hert eftirlit við fyritøkum handan sosialar miðlar sum eitt nút Facebook og Instagram.
Tað vísir ein spurnakanning hjá Reuters og Ipsos, sum var gjørt yvir seks dagar um mánaðarskiftið juli-august.
61 prosent av teimum spurdu søgdu, at eftirlitið við hesum fyritøkunum eigur at verða hert - 71 prosent av Demokratunum og 62 prosent av Republikanarunum.
66 prosent av teimum spurdu søgdu eisini, at tey tóku undir við kravdari aldursváttan frá brúkarum fyri at forða børnum undir 16 ár at fáa atgongd til sosialu miðlarnar.
74 prosent av Republikanarunum og 69 prosent av Demokratunum tóku undir við hesum.
85 prosent av teimum spurdu hildu, at sosialir miðlar kunnu vera skaðiligir fyri sálarheilsuna hjá børnum, og at børn kunnu gerast bundin at teimum.
Fleiri lond hava longu sett í gildi lógir, sum skulu forða børnum undir 16 ár atgongd til sosialar miðlar, og fleiri onnur lond hava boðað frá ætlanum um at seta slíkt bann í gildi. Í samgonguskjalinum hjá Fólkaflokkinum, Sambandsflokkinum, og Javnaðarflokkinum stendur eisini, at aldursmark á 15 ár skal setast á sosialar miðlar.
Vinarliga broyt tínar kennifíla - og privatlívsstillingar fyri at síggja hetta innihald