Kári Johansen fer kortini ikki at stilla upp fyri Framsókn

Fyri beint undir seks vikum síðani gjørdist greitt, at Kári Johansen ætlaði at stilla upp fyri Framsókn og ikki Javnaðarflokkin til kommunuvalið í november.

- Eg føli rætt og slætt, at hosurnar í Javnarflokkinum eru ov trongar hjá mær at vera í. Harafturímóti passa míni politisku áhugamál væl í Framsókn, segði býráðslimurin tá.

Nú er vent í holuni. Ruth Vang, forkvinna í Framsókn, váttar í dag fyri in.fo, at Kári Johansen kortini ikki verður á listanum. 

Tað er framvegis ikki greitt, um Kári Johansen kortini stillar upp til valið 12. november.

Heimasíðan in.fo rør uppundir, at Kári, saman við øðrum Javnaðarbýráðslimum, sum ikki stilla uppaftur á tí listanum, eru í gongd við ein heilt nýggjan lista. 

Eingin viðmerking er komin frá Kára Johansen sjálvum enn.

Kári Johansen fekk 268 atkvøður á kommunuvalinum í 2020 - fyri Javnaðarflokkin.