Kim Kielsen vitjar Føroyar næstu dagarnar

Løgmansskrivstovan boðar frá, at grønlendski landsstýrisformaðurin, Kim Kielsen, kemur á arbeiðsvitjan í Føroyum hósdagin 5. desember. Løgmaður verður vertur fyri vitjanini, ið byrjar seinnapartin í morgin. Kielsen steðgar eina løtu á flogvøllinum, tí hann fer at fáa kunning um viðurskiftini hjá Vága floghavn og Atlantic Airways áðrenn leiðin gongdur til Havnar. Har verður fundur við Bárð á Steig Nielsen í Tinganesi. Partarnir fara at viðgera samstarv landanna millum og felags áhugamál, og aftaná fundin fáa fjølmiðlafólk høvið at hitta stjórnarleiðararnar.

Fríggjadagin verður vitjað á brennistøðini á Hjalla og hjá Vónini. Leygardagin vitjar grønlendski stjórnarleiðarin Oilwind, og grønlendska fylgið fer av landinum aftur leygardagin seinnapart.

Bárður á Steig Nielsen sigur soleiðis um vitjanina:  

"Vitjanin hjá Kim Kielsen er eitt gott høvi hjá Føroyum og Grønlandi at styrkja sambandið og at menna samstarvið millum londini í ríkisfelagsskapinum. Føroyar og Grønland hava søgulig bond og fleiri viðkomandi mál at umrøða. Heimurin er broyttur nógv seinnu árini, har fleiri lond hava áhuga í okkara parti av heiminum. Góð viðurskifti landanna millum hevur tí stóran týdning,”