Kirkjurnar í høvuðsstaðnum skipa fyri uttandura gudstænastum jólaaftan

Korona ger at kirkjurnar kring landið ikki hava gudstænastu í morgin jólaaftan eins og vanligt er.

Tí eru fleiri av kirkjunum, sum hava boðað frá, at tey fara at hava útigudstænastu. Fyrr í vikuni boðaðu tey frá í Klaksvík, at útigudstænasta verður á vøllinum við Djúpumýrar jólaaftan klokkan 16 um veðrið loyvir tí.

Fleiri aðrir kirkjur gera nú tað sama. Argja kirkja hevur gudstænastu á AB-vøllinum klokkan 15, Hoyvíkar kirkja hevur sína gudstænastu uttanfyri kirkjuna klokkan 16, Havnar kirkja skipar fyri gudstænastu á Trappuni í Vágsotni frá klokkan 15 til 15:30, og klokkan 17 verður gudstænasta uttanfyri Vesturkirkjuna.