Kláraði ikki svingið

Tað var nær við, at ein persónbilur endaði í Havnará ovarlaga í Gundadali tíðliga í morgun.

Tá koyrt verður niðaneftir Gundadalsvegnum, kann svingið oman í vegateinin Áargeil, sum bindir Gundadalsvegin og ringvegin, koma rættiliga knappliga.

Tað gjørdi tað eisini fyri henda bilin í morgun.

Men girðingin helt, og tíbetur endaði bilurin ikki í ánni, tí rættiliga høgt er omanav.