239.085 ferðafólk flugu um Vága Floghavn í 2021. Tað vísa seinastu hagtølini hjá floghavnini. Harvið er talan um ein samlaðan vøkstur upp á ein triðing – 33 prosent – í mun til ferðafólkatalið í 2020, fyrsta árið við korona.
Í 2020 var samlaða ferðafólkatalið 179.778 fólk.
Hinvegin var 2019 árið, sum tað higartil hava ferðast nógv flest fólk um flogvøllin. Tá var samlaða ferðsfólkatalið 424.281, so í mun til 2019, so lá ferðafólkatalið í fjør rættiliga nógv undir metið.
Ferðafólkatalið í 2021 svaraði nøkulunda til 2013, og harvið kunnu vit siga, at koronafarsóttin hevur tveitt okkum átta ár aftur í tíðina, hvat talið av ferðafólkum um floghavnina viðvíkir.
Talið av ferðafólkum um Vága Floghavn seinastu 10 árini:
2012: 225.532
2013: 236.181
2014: 250.287
2015: 276.385
2016: 292.393
2017: 341.388
2018: 377.813
2019: 424.281
2020: 179.778
2021: 239.085
Vinarliga broyt tínar kennifíla - og privatlívsstillingar fyri at síggja hetta innihald