Kníválop í París

Ein maður er í dag handtikin eftir at hava lopið á fólk við knívum í franska høvuðsstaðnum París, upplýsir franski innlendismálaráðharrin, Laurent Nunez.

Tríggjar kvinnur hava fingið skaða og eru fluttar á sjúkrahús, harav tvær eru álvarsliga løstaðar.

Kvinnurnar eru ávikavist 19, 24 og 36 ára gamlar.

Álopsmaðurin brúkti sambært fronsku løgregluni tveir køksknívar at leypa á við. Hann varð tikin av einum løgreglufólki, sum ikki var til arbeiðis.

Álopið hendi í norðara parti av París nærindis Porte de Clichy.

Motivið er framvegis ógreitt, og løgreglan hevur heldur ikki fingið staðfest, hvør álopsmaðurin er, av tí at útsagnir hansara vóru ósamanhangandi, tá hann varð handtikin.