KOKS heiðrað á Ráðhúsinum

 - Tað er so ómetaliga stórsligið, at KOKS nú hevur tvær Michelin stjørnur. Hetta er eitt einastandandi úrslit. Hetta bragdið, sum nú er rokkið, fer at hava sera góða ávirkan á alla matvinnuna í Føroyum, segði Annika Olsen á ferðavinnuforum í Sjóvinnuhúsinum í hósdagin.

Fríggjadagin bjóðaði borgarstjórin umboðum fyri KOKS inn á gólvið á Ráðhúsinum. Hon fegnast um, at matstovurnar hava gingið á odda og hava eisini styrkt okkara egnu frammanundan sterku matmentan, skrivar Tórshavnar kommuna á heimasíðuni.

Á myndini síggjast Poul Andrias Ziska, kokkur, Johannes Jensen, stjóri, og Karin Wisth, víntænari, saman við Anniku Olsen, borgarstjóra.