Eldur í bili: Kollafjarðartunnilin stongdur í ein tíma

Fyrrapartin varð boðað frá eldi í einum bili inni í Kollafjarðartunlinum, og tí var tunnilin stongdur í ein góðan tíma.

Eldurin var rættiliga umfatandi, og har var nógvur roykur. Ein persónur var í bilinum, og hann slapp úr bilinum í øllum góðum. Talan var um ein vanligan bensinbil, leggur vaktleiðarin á løgreglustøðini í Havn afturat.

Eldurin í bilinum varð sløktur stutt fyri klokkan 11, og ein tíma seinni varð boðað frá, at tunnilin var opin aftur.

Dagførd kl. 12.02