Kollfirðingar fáa kyrrari bátahyl

1,6 milliónir eru settar av komandi ár til at gera eina aldubrótara til bátahylin í Kollafirði, har pláss er fyri áleið 70 bátum

2019-12-06 09:02
Tíðindaskriv

Nú verður kyrrari hjá bátunum at liggja í bátahylinum í Kollafirði. Settar eru 1,6 mió.kr av til at gera aldubrótara til hylin í Kollafirði.

Hetta samtykti býráðið, tá ið fíggjarætlanin 2020 var fyri á býráðsfundinum hóskvøldið.

 

Tað er nú nakað síðani, kollfirðingar fingu nýggjan bátadrátt og nýggjar bátabrýr, har ljós, streymur og vatn eisini er til bátarnar.

Pláss er fyri knappliga 70 bátum í bátahylinum í Kollafirði. 

- Tórshavnar kommuna

Vinarliga broyt tínar kennifíla - og privatlívsstillingar fyri at síggja hetta innihald
Stillingar av farsporum