Í næstu viku koma serfrøðingar frá brandteknisku deild í Danmark at kanna stóra eldin við Ljósá.
Eldur kyknaði í vinnubygningi hjá KJ Sandblásing um hálvgun seks tíðina týskvøldið, og ikki fyrr enn beint fyri klokkan tíggju varð eldurin sløktur.
Helvtin av bygninginum fór í eldinum og klædningurin á grannahúsunum, sum KJ eisini eigur, hevur fingið skaða. Eisini fekk ein bilur, sum stóð nærhendis skaða av nógva hitanum frá eldinum.
Ein maður var í bygninginum hjá eldur kom í. Hann varð staddur í hinari síðuni av bygninginum og eldurin kom sum skilst óvart á mannin.
Enn kennir man ikki orsøkina til hví eldurin kyknaði, sigur løgreglan.
Sí eisini: Myndir: Bygningurin við Ljósá illa farin
Vinarliga broyt tínar kennifíla - og privatlívsstillingar fyri at síggja hetta innihald