Kommunur heita á borgarar um at spara uppá vatnið

Hvalbiar kommuna heitir nú á borgarar um at spara uppá vatnið.

Í fráboðan á heimasíðuni hjá kommununi stendur soleiðis:

– Fyri at tryggja at vit hava nokk av vatni, verður hervið heitt á allar borgarar um at spara uppá vatnið.

Eisini Kvívíkar kommuna hevur heitt á borgarar í Leynum um at spara uppá vatnið, tí vatntrot er í bygdini.

Kommunan mælir eisini borgarum í Leynum til at kóka drekkivatnið.