Korona aftur staðfest í Føroyum

Í hálvaaðru viku hevur eingin koronasmitta verið í Føroyum, men í gjár varð smitta aftur staðfest millum ferðafólk, sum komu til Føroya gjøgnum Vága floghavn.

Tveir tilburðir vórðu staðfestir í gjár, og hetta er sostatt fyrstu ferð í nærum tríggjar vikur, at nýggj smitta er staðfest í Føroyum.

Sostatt er samlaða talið á staðfestum tilburðum í Føroyum nú komið upp á 660, og talið á positivum í løtuni er tvey. 657 teirra eru staðfestir frískir aftur, og ein persónur er deyður við smittuni.

209 kanningar vórðu gjørdar í gjár. Tilsamans eru nú 233.608 kanningar gjørdar í Føroyum.